21 қазанда «Еуразиялық кеңістіктегі этнодемографиялық үдерістер:
трансформациялар және тұрақты дамудың сын-қатерлері» атты XXIV халылқаралық ғылыми-тәжірибелік конференцияның екінші күні Академия филиалында өтті. Айта кету керек, бұл тақырып бойынша ғылыми конференция дәстүрлі тек Өскемен қаласында өтеді. Конференцияға қатысушылардың географиясы жылдан жылға кеңейіп келеді. Бұл жолы ғылыми форумға Чехия, Франция, Германия, Қырғызстан, Өзбекстан, Ресей Федерациясы, Беларусь демограф ғалымдары қатысты.
Ғалымдар ұсынған тақырыптар этнодемографиялық процестердің әртүрлі аспектілерін қамтып экономикалық, саяси, әлеуметтік-мәдени аспектілермен байланыстырылып жан-жақты қарастырылды.
Қазіргі заманның сын-қатерлерін көрсететін тақырыптарды атап өткен жөн. Олардың ішінде «Этнодемографиялық өзгерістердің цифрлық мониторингі», «Мультимедиялық технологиялар және этнодемографиялық зерттеулер», «демографиялық қауіпсіздік».
Демографтар Президенттің тапсырсы бойынша ҚР Стратгиялық жоспарлау және реформалар агенттігінің базасында жаңадан құрылған Демографиялық үдерістерді талдау және болжау орталығы сапалы саяси шешімдерді қабылдауда қомақты үлесін қасатынына сенімін білдірді.
Сонымен қатар, ғалымдар мемлекеттік қызметшілерге уақыт талабы болып табылатын саяси демография бойынша арнайы курс әзірлеу қажет деген идеяны конференция барысында ұсынды.
