Бүгін облыс депутаттары үшін «Мәслихаттардың рөлі мен әлеуетін күшейтудің заманауи тәсілдері» атты семинар басталды.
Семинар бағдарламасы заң шығару қызметі, мемлекеттік жоспарлау жүйесі, мәслихаттың іс-әрекетін тиімді ұйымдастыру, көпшілік алдында сөйлеу дағдылары, дағдарыс жағдайында халықпен жұмыс істеу дағдылары, әлеуметтік медиада коммуникациялық менеджмент және т. б. мәселелерді қамтиды.
Семинар мақсаты: жаңа сын тегеуріндер мен уақыттың шынайылығы жағдайында тиімді қызмет ету үшін барлық деңгейдегі депутаттардың кәсіби құзыреттіліктері мен практикалық дағдыларының деңгейін арттыру.
Оқытуды жүргізуге шақырылған мамандар:
Светаш Александр Александрович-Өскемен қ. мәслихат хатшысы
Унжакова Ирина Сергеевна – Қазақстан Республикасы Парламенті Мәжілісінің депутаты, Заңнама және сот-құқықтық реформа комитетінің мүшесі
Корабаев Ермек Ерланович – ШҚО бойынша Әділет департаменті басшысының орынбасары, Әдеп жөніндегі уәкіл
Муктаганова Ляйля Вахидовна – ШҚО экономика басқармасының стратегиялық жоспарлау бөлімінің басшысы
Ашимова Аяужан Тұрсынбековна – «Ұлағат» ЖҚБ төрағасы, ШҚО бойынша МБА филиалының штаттан тыс жаттықтырушысы
Грызунова Галина Васильевна – ШҚО бойынша ҚР Президенті жанындағы Мемлекеттік басқару академиясының профессоры, пс.ғ.к.
Семинар барысында депутаттық қызметке қатысты нақты кейстер талқыланады, оны тиімді іске асыру үшін қажетті практикалық ұсынымдар берілетін болады.
